Partia Demokratike ka depozituar sot një kallëzim penal ndaj kreut të Bashkisë së Tiranës, Erion Veliaj, për vdekjen e Ardit Gjoklajt në landfillin e Sharrës.
Kallëzimi që u depozita nga këshilltarët e PD-së na këshillin Bashkiak përmban shtatë shkelje ligjore që sipas selise blu sollën vdekjen tragjike të 17 vjeçarit.
PD nënvizon se paligjshmëria ka nisur që me krijimin e shoqerisë Eco Tirana, me dhënien e 49 përqind të kapitaleve një firme italiane, pa garë, pa konkurs, pa transparencë, dhe më pas me kushtet e rënda të paligjshmërisë në punën që bëhej në landfillin e Sharrës.
7 shkeljet për të cilat PD akuzon Veliaj janë:
1- ”Shpërdorim detyre” neni 248 KP
2- “Shpërdorimi i kompetencave” neni 164 KP
3- “Punësimi i paligjshëm” neni 170/a KP
4- “Mosmarrja e masave për të ndërprerë gjendjen e paligjshme” neni 251 KP
5- “Shpërdorimi i kontributeve të dhëna nga shteti” neni 256 KP
6- “Përfitimi i paligjshëm i interesave” neni 257
7- “Shkelja e Barazisë së pjesëmarrësve në tendera apo ankandeve” neni 258