Një ngjarje e rëndë ka ndodhur mëngjesin e sotëm në fshatin Kutalli të Beratit. Një 69-vjeçar mësohet se është gjetur i pajetë në oborrin e banesës së tij në këtë fshat.
Kanë qenë familjarët që e kanë gjetur trupin e pajetë të Rakip T., të cilët më pas kanë njoftuar policinë.
Këta të fundit kanë mbërritur në vendin e ngjarjes dhe kanë nisur hetimet. Ngjarja mësohet se ka ndodhur rreth orës 04:40 minuta të mëngjesit të sotëm.
Policia thotë se 69-vjeçari Rakip T., ka kryer vetëvrasje duke qëlluar veten me pistoletë, ndërsa shkaqet janë ende të paqarta aktualisht.
