Një video e publikuar në ‘Live Leak’ ditën e djeshme, është shpërndarë me shpejtësi në rrjetet sociale për të shërbyer edhe si një paralajmërim për rrezikshmërinë që ndërmarrim teksa përpiqemi të bëjmë një foto apo video ndërkohë që jemi duke i dhënë makinës. Një djalë i ri i cili dyshohet se po drejtonte makinën, ka menduar që në udhëtim e sipër të bënte një video interesante për ta shpërndarë më pas në rrjetet sociale. Por e gjithë kjo pakujdesi e djalit ka përfunduar tragjikisht pasi makina me të cilën po udhëtonte është përplasur. Nuk është bërë e mundur filmimi më pas i ngjarjes, pasi duket se telefoni është shkëputur nga dora e tij, mirëpo kaq ka mjaftuar për të vënë edhe një herë alarmin ndaj rrezikshmërisë së të bërit foto apo video në një ambient të papërshtatshëm.