Notarja ruse, fitoi medalje, por u poshtërua nga të gjithë
Notarja ruse Yulia Efimova, fitoi medalje në 100-metërshin stil bretkose, megjithatë reagimet kundrejt saj nuk ishin fort të mira.
Publiku nisi të vërshëllejë Yulian, madje një nga koleget e saj i ka ngritur gishtin e mesit në fillim të garës sepse notarja ruse u dënua për doping dhe u pezullua 16 muaj.
Edhe para nisjes së Lojërave Olimpike, ajo u dënua përsëri, por e çoi çështjen në Gjykatë, ku u shpall e pafajshme. Nga reagimi negativ drejtuar asaja, notarja është prekur shumë dhe ka shpërthyer në lot.
“Pavarësisht medaljes që fitova, nuk ka gjë më të trishtë për një sportist se sa të vërshëllehet nga publiku. Gjykata e tregoi që unë jam e pastër. Për rastin e parë e shleva dënimin”, ka thënë Efimova.
