Sulmuesi i Kombëtares shqiptare Armando Sadiku do të mbetet lojtar i Zyrihut. Ishte vetë presidenti i klubit zviceran,i cili konfirmon të ardhmen e Sadikut duke theksuar se sulmuesi do të qëndrojë te Zyrihu.
“Nuk kemi aspak ndërmend ta shesim Armando Sadikun”, thekson ai.
Ndërkohë vetë lojtari dëshiron largimin nga Zyrihu pasi shumë klube interesohen për të marrë shërbimet e sulmuesit kuqezi i cili preferon Bundesligën.
Kujtojmë që Sadiku është autori i vetëm i golit të shënuar kundër Rumanisë në Kampionatin Europian.