Të shumtë ishin shqiptarët që iu lutën të pranonte që të luante me Kombëtaren tonë të futbollit, por ai përsëri vendosi të na refuzonte e të qëndronte në skuadrën e Zvicrës. Asnjëherë nuk e ka mohuar origjinën e tij, edhe pse zgjedhja që ka bërë në profesion ka mërzitur shumë shqiptarë.
Mirëpo, sot Xherdan Shaqiri nuk ka mundur t’i rezistojë bukurive të natyrës shqiptare, edhe pse kombëtares i tha “Jo”. Vetë futbollisti ka ndarë me fansat një fotografi në Instagram, ku duket se është duke pushuar në jug të Shqipërisë e në veçanti në Vlorë.
Në foto ai shfaqet duke bërë një udhëtim tek “Shpella e Piratëve”.