Serbët shohin përsëri “provokacija”: De Biazi mbështet terrorizmin
Veprim në mbështetje të terrorizmit e kanë quajtur mediat serbe videon e postuar nga trajneri i kombëtares De Biazi, e cila shërbeu edhe si frymëzim për djemtë para ndeshjes me Rumaninë.
Blic në një shkrim të publikuar e lidh trajnerin De Biazi me terrorizmin. “Skandaloze, trajneri italian i Shqipërisë përkrah terrorizmin”, titullohet shkrimi, shoqëruar edhe me videon e postuar nga De Biazi.
https://www.facebook.com/giannidebiasi.it/videos/10154110392537110/
Sipas gazetës serbe, “në një video që ka postuar De Biassi, shfaqet UÇKja, ushtri terroriste. Videoja tregon anëtarët e organizatës terroriste, UÇKsë në veprim, me te cilën ai u përpoq të bëjë një lidhje me historinë e ekipit të futbollit në EURO 2016”.
“De Biasi, te cilit i është dhënë shtetësia shqiptare, ka publikuar një video që tregon një pjesë të historisë së Shqipërisë, por edhe luftës në Kosovë, në të cilën morën pjesë anëtarët e organizatës terroriste Ushtria Çlirimtare e Kosovës” shkruan gazeta.
Në fund, videoja mbyllet me ndeshjet e luajtura për kualifikimet e EURO 2016, ku spikat mesazhi i De Biazit: “Falë jush Europa po në sheh si të barabartë”
