Ekspertiza e celularit të shqiptarit Bledar Terpollari i cili u gjet i masakruar në një fshat në Igumenicë të Greqisë, nuk ka nxjerrë asnjë të dhënë që t’i çojë hetuesit drejt një piste të vlefshme për hetimin e mëtejshëm të vrasjes.
Celulari i 26-vjeçari shqiptar u dërgua në laborator për të gjetur informacione apo biseda me persona të dyshuar që mund të kenë qenë të vlefshme për hetimin.
Megjithatë, autoritetet greke vazhdojnë me intensitetet kërkimet për gjetjen e kokës të Bledar Terpollarit dhe fakteve të reja që mund të çojnë në zbardhjen e vrasjes hororr që ka tronditur komunitetin lokal në atë zonë.