Policia e Durrësit ka arrestuar një 26-vjeçar, person me precedent të mëparshëm në fushën e veprave penale kundër jetës dhe armëmbajtje pa leje. “Në pranga u vu Myslim Verdha 26 vjeç, banues në Durrës, pasi në lagjen Nr.11, gjatë kontrollit fizik, i’u gjet dhe i’u sekuestrua në cilësinë e provave materiale një armë zjarri tip pistoletë e llojit TT një krëhër me 7 fishekë”, sqaron policia. Arrestimi i 26 vjeçarit u bë në vijim të kontrolleve të ushtruara për kapjen e personave në kërkim, drogë, armëmbajtje pa leje dhe goditjen e paligjshmërisë, me qëllim rritjen e sigurisë së qytetarëve. Materialet I kaluan Prokurorisë së Rrethitk Gjyqësor Durrës për veprime të mëtejshme për veprën penale ” Mbajtja pa leje e armëve luftarake dhe e municionit ”.