Meksika do të legalizojë opiumin

Qeveria e Meksikës po eksploron lejimin e prodhimit të opiumit në kuadër të luftës ndaj trafikut të drogave. Zyrtarët mendojnë të lejojnë prodhime farmaceutike të opiateve si morfina, teksa përpiqen të shuajnë aktivitetin e bandave të trafikut të heroinës, sipas disa burimeve të brendshme. Gjatë një vlerësimi të politikave të drogës, ministri i brendshëm Miguel Angel Osorio pyeti ekspertë të politikave vitin e kaluar nëse mund të merrej autorizimi nga trupi i monitorimit të drogave të OKB, për kultivimin dhe eksportin e opiumit  medicinal.   Nuk është e qartë sesa seriozisht po e merr qeveria rregullimin e prodhimit të opiumit, por kjo sigurisht ka të bëjë me shqetësimin e bandave dhe dhunës së lidhur me trafikun e heroinës. Kësaj jave presidenti meksikan Pena Nieto propozoi legalizimin e mjekimeve me bazë marijuane, duke rritur në mënyrë të konsiderueshme masën që përdoruesit mund të mbajnë me vete. Masa po kopjohet nga disa shtete latine.