Parashikuesi Pastor Ricardo Salazar thotë se Kina dhe Rusia do ta fillojnë luftën kundër SHBA tre muaj pasi Europa, për shkak të fluksit të refugjatëve, do t’i mbyllë kufijtë e saj. Kjo gjë tanimë ka ndodhur, gjë që domethënë se lufta e madhe globale mund të ndodhë gjatë verës.
“Përpos luftës së re, më 16 maj Toka do të goditet nga një asteroid i madh, i cili do të shkaktojë vdekjen e më shumë se 1 miliard njerëzve”, thotë Salazar në një incizim, ku përmend edhe ardhjen e sërishme të Krishtit, transmeton gazeta Kosova Sot Online.
Salazari në fakt është jurist peruan, me adresë në Japoni, e plani i tij përfshin ndërtimin e faltores më të madhe të krishtere në botë. Ai thotë se Zoti i ka folur dhe i ka thënë se ai është ‘kanali’ i tij për transmetimin e parashikimeve për të ardhmen. Tani, vendosni ju vetë se a t’u besoni parashikimeve të tij, apo jo.
