Dy vëllezëri që kryen shpërthimet në Bruksel ishin në kërkim nga policia, si bashkëpuntorë të Salah Abdelslam. Një javë më parë policia kishte bastisur shtëpinë e tyre në Molenbek dhe që nga ajo ditë jetonin në arrati. Vëllezërit njiheshin si përdorues droge në Molenbek, ndërsa dyshohet se kishin fshehur Salah Abdelslam që pas sulmeve të 13 nëntorit në Paris. Personi i tretë që ishte me to në aeroport është identifikuar. Ai është Naxhim Lakraui, i dyshuar për ndërtimin e bombave që shpërthyen në Paris dhe që vranë 130 vetë. Naxhim Lakraui sipas policisë doli i qetë nga aeroporti Zaventem, para shpërthimeve kamikaze dhe është ende gjallë. Sot është një nga njerëzit më të kërkuar në Europë.
