Ylli i Barcelonës, Lionel Messi, këmbëngul se ai nuk e sheh veten si konkurrent të yllit të Real Madridit, Cristiano Ronaldo. Si individë, Messi dhe Ronaldo kanë dominuar futbollin në dekadën e fundit, por argjentinasi thotë se ai nuk është në luftë me yllin e Realit. “Këto janë gjëra që njerëzit e tjerë i thonë. Nuk kam konkurrencë me Cristianon dhe them se ai nuk konkurron me mua. Unë e dua më të mirën për ekipin tim dhe kjo është ajo për të cilën unë punoj”, – u shpreh Messi.
