Ne e duam anëtarësimin e vendeve të Ballkanit Perëndimor në BE. Prioritet mbetet përmbushja e standardeve, kanë qenë disa nga mesazhet e kancelares Merkel në konferencën e përbashkët për shtyp me kryeministrin shqiptar Edi Rama.
Sipas saj, janë prioritetet e kërkuara nga BE, ato që bëjnë të mundur hapjen e negociatave.
“Janë bërë përparësi, por ka shumë për të bërë. Unë e di që shumë vende presin që ky proces duhet të shkojë përpara, por ne nuk e ngadalësojmë në mënyrë artificiale”, tha Merkel.
Nga ana e tij, kryeministri Rama shprehu bindjen se brenda vjeshtës do plotësohen të gjitha prioritetet e kërkuara.
“Shqipëria është e vendosur për reformat reale. Ne nuk kërkojmë asnjë dhuratë apo reduktim suksesesh. Duhet të flasë realiteti i transformimit të vendit”, deklaroi Rama.