Kukësi e Laçi do të zbresin në fushën e blertë,për të arritur një fitore që do t’i jepte mundësi të arrinin një kualifikim javën e ardhshme. Kuksianët, të drejtuar tashmë nga trajneri brazilian Marselo Troizi, do të jenë përballë bjellorusëve të Torpedos së Zhodinos.
Ndeshja do zhvillohet në orën 18:00. Traineri ka besim tek skuadra e tij, dhe po ashtu, e ka mirëpërcaktuar formacionin dhe skemën me të cilën do të luajë në fushë.
Ndërkaq, Laçi luan gjysmë ore më herët, në 17:30, në stadiumin e qytetit të tij.
Skuadra e trajnerit Armando Cungu, fituese e Kupës së Shqipërisë, do të luajë ndaj azerëve të Interit të Bakusë, nënkampiones së vendit të saj. Ndeshja do të drejtohet nga një treshe spanjolle. Kryesor do të jetë Karlos del Cerro, i cili do të ndihmohet nga dy asistentët e tij, Juan Yuste dhe Abraham Alvarez Canton.
