Kryeministri Edi Rama deklaron se përgjegjësia për shpërthimet në puset e Patos – Marinës dhe pasojat e tyre janë krejtësisht të kompanisë Bankers Petrolium.
Duke folur me tonë të ashpra për kompanitë e huaja që abuzojnë me kontratat që kanë me qeverinë shqiptare, kreu i qeverisë duket i prerë kur thotë se nuk do të tolerohet asnjë sipërmarrës sado i fuqishëm të jete ai, t’i trajtojë shqiptarët si qenie të dorës së dytë.
E në këtë pikë Rama lajmëron se do të kërkoje audit ndërkombëtar për të parë atë që ka ndodhur në zonën që administrohet nga Bankers Petrolium.
