Igli Tare do të vazhdojë të jetë Drejtor Teknik i skuadrës së Lacios në Serinë A edhe për tre vitet e ardhshme. Sipas Corriere Della Sera”, Presidenti i Lacios, Claudio Lotito, i ka dhënë besimin e duhur Igli Tares. Me rinovimin e tij, Lacio dhe Tare do të përqëndrohen tek forcimi iskuadrës, pasi paraqitjet e derianishme nuk janë ato që lacialët presin. Strategjia mbetet e njëjtë, afrimi i lojtarëve cilësorë me “loë cost” për shkak të buxhetit financiar që ka Lazio, e përgjithësisht ata ia kanë dalë të godasin në merkato, teksa kujtojmë se Tare është vlerësuar për merkaton e bërë si menaxheri më i mirë për klubet e Seria A në korrik të vitit 2015. Një tjetër çështje që duhet të zgjidhë Lacio, është ajo e trajnerit, pasi skuadra me Piolin po kalon një moment të errët, ku në 4 sfidat e fundit ka regjistruar vetëm një pikë. Kjo javë do të jetë një test për trajnerin e lacialëve, e në rast dështimi në Ligën e Europës dhe kampionat, atëherë Tare duhet të mendojë për një tjetër trajner, e ndër emrat më të lakuar nga media italiane janë ato të Maxarrit, Lipit apo Del Nerit që nuk janë në aktivitet me asnjë skuadër
