Rrugët afër Shtëpisë së Bardhë përkohësisht janë mbyllur për trafik për shkak të një pakoje të dyshimtë, njofton shërbimi i fshehtë i SHBA-ve.
Zëdhënësja e këtij shërbimi, Nicole Manor, ka thënë se pakoja është kontrolluar dhe nuk ka detaje për ndonjë problem, transmeton Reuters.
“Washington Post” më herët ka bërë të ditur se policia po e heton pakon e cila është gjetur në lindje të Shtëpisë së Bardhë.
Policia e Washingtonit në Twiter ka lajmëruar se rrugët janë të mbyllura në lindje të Shtëpisë së Bardhë por nuk ka zbuluar detaje tjera.
