Konflikti në një familje në Tiranë ka përfunduar në plagosje me thikë.
Shtetasi J. Sh., 52 vjeç ka goditur me thikë në trup dhe në qafë bashkëshorten e tij E. Sh., 46 vjeçe, pas një konflikti.
Pas plagosjes, ai është arratisur nga vendi i ngjarjes për t’u kapur më pas në flagrancë nga policia.
“Më datë 23.05.2024, rreth orës 02:15, në rrugën “Xhanfize Keko”, shtetasi J. Sh., 52 vjeç, dyshohet se ka goditur me mjet prerës në trup dhe në qafë, bashkëshorten e tij, shtetasen E. Sh., 46 vjeçe.
46-vjeçarja ndodhet në spital nën kujdesin e mjekëve, ndërsa autori i dyshuar u arrestua në flagrancë për veprën penale “Vrasja për shkak të marrëdhënieve familjare”, mbetur në tentativë.
Grupi hetimor po punon për sqarimin e rrethanave të ngjarjes”, njofton policia.