Kreu i Partisë Demokratike Sali Berisha, gjatë fjalës së tij foli dhe për skandalin e radhës, për shpenzimet e Bashkisë së Tiranës, në restorantin në pronësi familjare të ish-nënkryetarit të bashkisë, aktualisht Ministër i Shtetit për Qeverisjen Vendore, Arbjan Mazniku. Berisha tha se restoranti i Fugës dhe Maznikut mori tenderin 700 mijë euro nga kompania Tirana DC.
Berisha: Miq, çdo shqiptar që nuk ka zë sot, çdo shqiptar që nuk është në Shqipëri, çdo shqiptar që nuk ka guximin e duhur, pret nga ne, nga heroizmi, nga trimëria, nga guximi ynë, fitoren tonë, fitoren e Shqipërisë. Në një restorant të zonjës Fuga dhe zonjës Mazniku, shikoni se çfarë burrash kanë të mjerat, që i fusin në afera korruptive.
Ja cila është familja për këta hajdutë, nuk kanë nder e as dinjitet.
Dhe restoranti i zonjave të tyre fiton tenderin 700 mijë euro nga burri i saj, Arbër Bifteku në kompaninë Tirana DC.
Po nuk ka hajdutë më të shpërfytyruar se këta mo?! Këta meritojnë çdo gjë.
Këta meritojnë të varen në shtyllën e turpit.
Këta janë fytyra e Edi Ramës.
Këta meritojnë të gjithë urrejtjen e shqiptarëve.
Të gjithë zemërimin e tyre.
