Ish-kryeministri Sali Berisha ka denoncuar një ngjarje tejet të rëndë përmes rrjeteve sociale, ku ka publikuar pamjet e rënda ku Shefi i Edukimit në burgun e Fierit është dhunuar brutalisht dhe shfaqet me kokën e çarë
Në reagimin e tij, Berisha thekson se kjo krimi po mbahet i fshehtë.
“Shefit të Edukimit në burgun e Fierit i kanë çarë kokën! Krimi mbahet i fshehtë!”, thekson Berisha në komentin bashkëngjitur fotos ku duket dhuna e ushtruar ndaj Shefit të Edukimit në burgun e Fierit.
NGJARJA
Ngjarja në fjalë mësohet se ka ndodhur mbrëmjen e 30 prillit ku oficeri i burgut të Fierit është goditur me një send të fortë nga shtetas i paidentifikuar
Policia raporti dje se 64-vjeçari ka marrë dëmtime të lehta dhe ndodhet në spital, jashtë rrezikut për jetën. Vijon puna për identifikimin dhe kapjen e autorit.
“Mbrëmjen e djeshme, rreth orës 21:00, një shtetas ende i paidentifikuar dyshohet se ka goditur me send të fortë shtetasin N. D., 64 vjeç (efektiv i IEVP Fier), duke i shkaktuar dëmtime të lehta
Shtetasi N. D. po merr mjekim në spital dhe është jashtë rrezikut për jetën. Vijon puna për identifikimin dhe kapjen e autorit”, theksoi ne njoftimin e saj policia.
