Deputetja e Partisë së Lirisë Erisa Xhixho e pranishme në Forumin Ndërkombëtar të Gruas ka takuar Zvdrejtoreshën e Zyrës së Sekretarit Blinken, Katrina Fotovat.
Xhixho ka ndarë një foto me Fotovat në facebook-un e saj, teksa shkruan se ‘barazia gjinore sot është themelore për të ofruar shanse dhe mundësi të barabarta për të gjithë’.
Postimi i plotë i Xhixhos:
Kënaqësi e veçantë të takoja sot në Forumin Ndërkombëtar të Gruas, Sigurisë dhe Paqes, Katrina Fotovat, Zvdrejtoreshën e Zyrës së Sekretarit Blinken. 🇺🇸
Ndamë bindjen e përbashkët se çështjet e grave dhe vajzave janë çështje të të drejtave të njeriut. Barazia gjinore sot është themelore për të ofruar shanse dhe mundësi të barabarta për të gjithë.
Fuqizimi ekonomik i grave, përfshirja e tyre në vendimmarrje dhe lufta kundër dhunës gjinore janë faktorë kyçë që e bëjnë atë kontribuuese të qenësishme për paqen dhe sigurinë në mbarë botën.