Dinamo triumfoi 1-0 ndaj Erzenit, në ndeshjen e kampionatit të luajtur në “Niko Dovana”. Pjesa e parë nuk prodhoi gola, pavarësisht rasteve. Në pjesën e dytë, ekipi nga Shijaku komplikoi llogaritë, pasi Atanda u ndëshkua me karton të kuq.
Dinamovitët morën avantazhin në minutën e 77-të, pas golit të Rrustem Hoxhës. Një rezultat i cili do mbetet i pandryshuar deri në fund, me ekipin e Mehmetit që merr kështu 3 pikë të rëndësishme.
Dinamo renditet në vendin e katërt me 15 pikë. Ndeshja e radhës është ndaj Partizanit në transfertë.
Erzeni renditet në vendin e parafundit me 13 pikë. Në sfidën tjetër, do luhet ndaj Tiranës.
