Është anuluar fluturimi i radhës që pritej të sillte të tjerë shtetas shqiptarë të cilët ndodhen aktualisht në Izrael.
Sipas raportimeve, shkak për anulimin e fluturimit janë bërë sulmet e vazhdueshme dhe për shkaqe sigurie edhe për jetën e udhëtarëve, është vendosur që fluturimi të mos realizohet.
Dje mbërritën në aeroportin e Rinasit 40 shqiptarët e parë, të cilët jetonin dhe punon në Izrael. Mes tyre ka pasur edhe shtetas nga Kosova dhe Maqedonia e Veriut.
Sipas Ministrisë, këto ditë do të ketë sërish të tjera fluturime të posaçme drejt Tel Aviv, ndërkohë që MEPJ është në koordinim edhe me ministritë simotra të vendeve të rajonit për t’u ardhur në ndihmë të gjithë qytetarëve që kërkojnë të kthehen në vendet e tyre
