Kryetari i grupit parlamentar të partisë demokratike, Gazment Bardhi i ftuar në emisionin ‘Breaking’ në Top News u shpreh se nuk është as ushtar i Sali Berishës dhe as i Lulzim Bashës.
Bardhi u ndal te mbledhja e përbashkët me grupin e Berishës dhe me aleatët duke pohuar se do unifikojmë axhendën politike të opozitës në parlament.
Bardhi: Unë jam ende kryetar i grupit parlamentar i Partisë Demokratike përderisa kam besimin e kolegëve deputetë. Unë jam ushtar i parimeve dhe vlerave të qëndrmeve të mia nuk jam ushtar as i Sali Berishë dhe as i Lulzim Bashës.
Takimi i djeshëm kishte të bënte me unifikimin e axhendës të aksionit politik të opozitës, i gjithë grupi parlamentar do unifikoj aksionin politik.
Kryetari i grupit parlamentar, Gazment Bardhi foli edhe se kush do replikojë me kryeministrin Rama në parlament.
Bardhi: Sipas ligjit i takon kryetarit të grupit parlamentar ose mund t’ia delegoj replikën një kolegu deputet të opozitës.
