Një i mitur është shpëtuar nga policia pasi kishte ngecur në parvazin e dritares.
Ky i fundit, kishte hipur dhe kishte ngecur në parvazin e dritares, e cila ndodhet në katin e 5-të. Ngjarja ka ndodhur në një moment që familjarët nuk kishin qenë ne dhomë me të miturin. Forcat e policisë kanë bërë të mundur shpëtimin e të miturit.
“Shërbimet e Policisë shpëtojnë një fëmijë 5 vjeç që rrezikoi të binte nga dritarja e katit të pestë të pallatit. Rreth orës 13:00, në sallën operative, ka telefonuar një qytetar për të kërkuar ndihmë, pasi në lagjen “Skënder Libohova”, Lushnjë, një fëmijë po rrezikonte të binte nga dritarja e katit të pestë të pallatit.
Menjëherë pas telefonatës, salla operative ka koordinuar veprimet me shërbimet e Patrullës së Përgjithshme që patrullojnë në këtë zonë, të cilat kanë shkuar brenda pak minutash në adresën e dhënë.
Falë ndërhyrjes së menjëhershme të shërbimeve të Policisë është shpëtuar fëmija 5 vjeç që kishte kishte hipur dhe kishte ngecur në parvazin e dritares, në një moment që familjarët nuk kishin qenë ne atë dhomë. Familjarët e të miturit kanë falënderuar Policinë, për ndërhyrjen e menjëhershme në këtë situatë”, njofton policia.
