Rexhep Qosja, historiani i letërsisë, kritiku, shkrimtarit e publicisti i njohur feston sot 87-vjetorin. Akademiku i njohur shqiptar lindi në Vuthaj në Plavë e Guci më 25 qershor të vitit 1936.
Dy vite më parë, Qosja është shprehur për mikrofonin e A2 CNN se kalon një ose dy muaj të verës në vendlindjen e tij, të cilën thotë se nuk do ta harrojë kurrë.
“Megjithëse jam rritur dhe çdo gjë që kam arritur e kam arritur në Prishtinë, që është vendlindja ime e dytë”.
Dr. Rexhep Qosja është autor i rreth dyzet librave me studime për letërsinë dhe kritikë letrare, prozë artistike, tregime, romane dhe drama, publicistikë e shkrime polemike.Me botimet, shkrimet, analizat dhe opinionet e tij brilante ai ka dhënë një kontribut të vyer për shqiptarët, jo vetëm në Kosovë e Shqipëri, por kudo që ata janë.
