Gjykata e Shkodrës ka lënë në burg 34 vjeçarin Lekë Vuksani, i cili është autori i dyshuar i vrasjes së 51-vjeçarit Petrit Vuksani.
Ndaj tij u caktua sot masa e sigurisë “arrest me burg” , për ngjarjen e rëndë që u regjistrua më 2 maj në lagjen “Skënderbeg” në Shkodër.
Në seancën e vleresimit të masës së sigurisë, 34-vjeçari nuk ka shqiptuar asnjë fjalë, por ka preferuar të flasin avokatët.
Avokati mbrojtës Vladimir Ladaj, ka kërkuar nga gjykata vlerësimin psikologjik të 34-vjeçarit dhe caktimit të masës së sigurisë arrest me burg me afat.
