Bashkëpunimi i Alibashëve me pushtetin dhe Ramën nuk është më një lajm i ri pasi kjo është bërë një normë dhe praktikë tashmë.
Tenderi i radhës është marrë nga Shkëlqimi07, kompani e vëllait të Agron Kapllanajt, kandidati i Alibashës për bashkinë Mallakastër.
Fituesi i tenderit është shpallur këtë të hënë, 24 prill 2023.
Objekti i kontratës është rikonstruksioni i disa akseve kryesore të Njësisë Novoselë (Rruga Beqajve, Anastasi, Moçka, Furrat, Xamajt, Hysajt, Shën Gjergji, Rruga e Lumit, Partizani dhe rruga e Hekurudhës).
Vlera totale e kontratës është 24 milionë lekë të reja.
Agron Kapllanaj është përfitues i dhjetëra tenderave si nga pushteti lokal në Tiranë, por edhe ai qendror, me vlerë miliona euro.
Bashkëpunimi i Agron Kapllanajt me pushtetin vijon prej kohësh. –
