Konferenca e Kryetarëve ka rrëzuar kërkesën e një grupi deputetësh të PD për të ngritur një komision hetimor për Portin e Durrësit.
Deputetë të Partisë Demokratike kanë dorëzuan me 6 Prill në Kuvend kërkesën për ngritjen e një komisioni hetimor për Portin e Durrësit.
Konkretisht ishin Oerd Bylykbashi dhe Albana Vokshi ata që dorëzuan kërkesën, ku u shprehën se ky projekt është një aferë që po zhduk Portin.
Ndër të tjera ravijëzuan se kanë marrë firmat e 35 deputetëve, duke plotësuar kështu firmat e nevojshme për ngritjen e komisionit hetimor, ndërsa kanë paralajmëruar se do ta padisin për herë të dytë edhe në Gjykatën Kushtetuese.
