Specialisti i aplikacioneve, Gent Progni ka reaguar pas publikimit në media të mesazhit të dërguar nga Drejtori i Policisë Bashkiake Tiranë, Ermal Kapllani ndaj vartësve të tij, ku i kërkon që të shpërndajnë postimet e kryebashkiakut Erion Veliaj pasi kanë rënë reagimet në rrjet.
‘Drejtori i policisë Bashkiake Tiranë është mërzitur shumë që Lali nuk performon mirë dhe i kanë rënë statistikat’, shkruan Progni në Facebook
Sipas Prognit, ky është një mesazh kundër çdo ligji të nëpunësit civil dhe kundër çdo norme logjike dhe kulturore për të inkurajuar pikët e Aktiv1stit.
Drejtori i Policise Bashkiake Tiranë është mërzitur shumë që Lali nuk performon mirë dhe i kane rënë statistikat. Dërgon mesazhe kundër çdo ligji të nëpunësit civil dhe kundër çdo norme logjike dhe kulturore për të inkurajuar pikët e Aktiv1stit! Ruaj më mirë asfaltin elektoral që po hidhni! Turp e faqja e zezë!
