Agron Xhafa, shoferi i autobusit të Unazës që shkaktoi aksidentin e frikshëm dje në Tiranë, është vënë në prangat e policisë. Policia e shtetit njoftoi sot zyrtarisht se ndaj tij është ngritur akuza e “Shkelja e rregullave të qarkullimit rrugor”.
Njoftimi i Policisë:
Specialistët e Qarkullimit Rrugor arrestuan shtetasin: A. Xh., 63 vjeç, banues në Tiranë, për veprën penale “Shkelja e rregullave të qarkullimit rrugor”, pasi ditën e djeshme, duke drejtuar autobusin, është përplasur me disa automjete dhe si pasojë janë dëmtuar 9 shtetas, të cilët ndodhen jashtë rrezikut për jetën.
Materialet i kaluan Prokurorisë, për veprime të mëtejshme.
