Këtë të shtunë një tjetër ngjarje e rëndë ka ndodhur në Prishtinë, ku ashensori i një pallati ka rënë nga kati i dytë duke përfunduar në bodrum. Ngjarja ka ndodhur rreth orës 23:00.
Sipas policisë, gjashtë vajzat të cilat ndodheshin në ashensor në momentin e incidentit kanë pësuar lëndime në trup. Ato janë dërguar menjëherë në spitalin e Prishtinës ku po marrin kujdesin e duhur shëndetësor nga mjekët.
Ndërkohë autoritetet hetimore kanë nisur punën për zbardhjen e plotë të rrethanave të kësaj ngjarje.