Kreu i PD-së gjatë fjalimit të tij në Tepelenë tha se kjo bandë arriti të paimagjinueshmen duke rekrutuar kryezbuluesin e SHBA, por me bindje të plotë revolucioni do fitojë.
Pjesë nga fjalimi i tij:
Kjo bandë arriti të paimagjinueshmen, të rekrutojë kryezbuluesin e SHBA, McGonigal.
E para, t’ia bësh një vendi që të ka bërë aq të mira në histori, je më besëpreri i shqiptarëve që nga koha e Skënderbeut gjer më sot.
Ky, duke na quajtur ne antiamerikanë, pse ne po mbronim vlerat e lirisë, vlerat e amerikanëve në Shqipëri, ky njeri nuk ka asnjë interes.
Ne kemi interesa kombëtare dhe forca e idealeve tona është e pamposhtur.
Ju garantoj se këtë revolucion do e fitojmë.
Misionarët nuk janë shumicë, por ata fitojnë, ata nuk humbasin. Ata nuk humbasin sepse sakrifikojnë.
Demokratët duhet të bindin çdo shqiptar se këtë betejë e kemi për çdo shqiptar.
Ndaj, të ecim të vendosur, të ecim të guximshëm, të sigurt drejt fitores që meritojmë.
