Nga Gent Strazimiri
Maratona e Tiranës filloi dhe mbaroi me sukses!
Asnjë ambulancë nuk mbeti pa shkuar në spital sepse askush nuk pati dashakeqësinë të sëmurej që prej orës 08.00 …
Asnjë makinë policie nuk pati nevojë të lëvizë nga vendi me urgjencë, sepse edhe kriminelët nuk lëvizën për “në punë”, që të mos prishej zijafeti…
Asnjë banor i qendrës së Tiranës nuk u mërzit që ishte dënuar me izolim në shtëpi këtë të dielë…
Asnjë kortezh varrimi nuk u bllokua, sepse askush nuk pati paturpësinë të vdesë mbrëmë e të varrosej sot…
Shyqyr që shpëtut shnosh!
Për Lear Kurtin qé vonë…
Rreth orës 13, e ëma e të ndjerit qante si qyqe në një kanal televiziv tek tregonte si e kishte parë djalin të vdekur në duart e policisë, por askush nuk e kishte mendjen…
… prisnin me çelsa makine në dorë orën 16.00 përballë rrugës së bllokuar, në të cilën vrapuesi i fundit kaloi diku nga ora 11.40…
KAQ!