Një aksident i rëndë është shënuar këtë mbrëmje në aksin Gjirokastër-Tepelenë, në vendin e quajtur Ura e Subashit.
Nga informacionet e para, raportohet se kanë mbetur dy persona të plagosur rëndë. Në aksident mësohet se janë përfshirë tre automjete ndërsa ende nuk dihen shkaqet dhe rrethanat.
Të plagosurit janë dërguar në spital ndërsa policia dhe grupi hetimor ndodhen në vendngjarje për të zbardhur shkaqet dhe rrethanat e përplasjes.