Situata në qytetin e Mariupolit në Ukrainën jugore “mbetet e vështirë”, tha një zëdhënës i Gardës Kombëtare të Ukrainës për CNN të enjten, duke theksuar megjithatë se ushtria “nuk do ta dorëzojë qytetin”.
“Ushtarët e Gardës Kombëtare të Ukrainës, së bashku me Forcat e Armatosura, vazhdojnë të mbrojnë qytetin”, tha zëdhënësi.
“Ushtria ukrainase nuk do të dorëzojë qytetin dhe do të godasë forcat okupuese. Ushtria gjithashtu do të vazhdojë të shkatërrojë grupet e sabotimit të armikut në periferi të Mariupolit”, vazhdoi zyrtari.
Sipas zëdhënësit, forcat ruse kanë “bombarduar vazhdimisht” qytetin, me objektivin e shkatërrimit të infrastrukturës – duke përfshirë rrjetin hekurudhor të qytetit.
“Granatimet po ndodhin edhe në drejtim të ndërtesave të banimit, shkollave dhe kopshteve”, tha zëdhënësi për CNN.
Më herët të enjten, nënkryetari i bashkisë së qytetit Sergei Orlov tha gjatë një interviste në New Day të CNN se Mariupol ishte përballur 26 orë me bombardime të vazhdueshme, duke e përshkruar situatën si “kritike”.
