Pas 12 fitoreve radhazi në Premier Ligë, Mançester Siti ndalet në stadiumin “St. Mary’s”, në një barazim 1-1 përballë vendasve të Sauthemptonit.
“Shenjtorët” nisin shumë mirë sfidën dhe arrijnë të shënojnë golin e avantazhit, që në minutat e para të ndeshjes me anë të Uollker-Peters në minutën e 7-të.
Shqiptari Armando Broja bën stadiumin të shpërthejë në festë, por goli i sulmuesit kuqezi anulohet pas vendimit të VAR-it.
Skuadra e Guardiolës e nisi më mirë pjesën e dytë dhe shënoi golin e barazimit me Laport në minutën e 65-të.