Sipas Haxhiut, Kushtetuesja ‘e bëri Ilir Metën që moralisht qëndrimi i tij në karrigen e presidentit të jetë i paarsyeshëm’.
Analisti shtoi se edhe pse ai vetë ka humbur besimin tek Gjykata Kushtetuese me vendimet ‘përshkruese’ që ky organ ka marrë, vendimi i sotëm është rast i mirë që palët të mësojnë si të sillen me kushtetutën.
Presidenti Ilir Meta i ka cilësuar zgjedhjet e 30 qershorit 2019, të mbajtura pa pjesëmarrjen e partive kryesore opozitare, si zgjedhje moniste dhe të cilat nuk i dekretoi.
Gazetari Andi Bushati u shpreh se votimi i 30 qershorit nuk ishte zgjedhje.
“Mjafton të shohësh raportin e OSBE-ODIHR, nuk ka pasur në 30 vjet raport më të zi për një garë elektorale në Shqipëri. Nga njëra anë unë e kuptoj që askush nuk mund t’i marri zgjedhjet peng në Shqipëri, por a është një lloj pengmarrje edhe zgjedhjet në thundrën e një partie të vetme?”, deklaroi Bushati.
“Kur partia fillon të sillet si parti-shtet është shumë më e rrezikshme se shtyrja e zgjedhjeve me disa javë,” argumentoi Bushati.
Dy analistët u përplasën për efektet që sollën zgjedhjet, ku sipas Bushatit u vunë në krye figura të pakontrolluara, gjë që Haxhiu e cilësoi si pasojë e mungesës së konkurrencës mes partive.
