Personi i gjetur i vrarë paraditen e sotme është një anëtar i Bandës së Lushnjes.
Policia e Shtetit ka bërë të ditur se personi i vrarë është identifikuar si Alban Semaku, 38 vjeç nga Lushnja.
Por ky person, deri në vitin 2011 mbante emrin Elton Mermali.
Mermali ka qenë anëtar i Bandës së Lushnjes që drejtohej nga Aldo Bare.
Në vitin 2006, ky shtetas është ekstraduar nga Italia, pasi Gjykata e Lushnjës, me vendimin e datës 28 gusht 2003 i ka caktuar masën e sigurisë ‘Arrest në burg’, për veprën penale ‘Vrasja’, ndodhur në qytetin e Lushnjës, kryer në kuadër të organizatës kriminale të Lushnjës.