Një rezultat tjetër do të ishte katastrofik për Juventusin ndaj dhe fitorja ishte e domosdoshme.
Skuadra e Allegrit arrin fitoren e parë në javën e pestë, ku edhe pse mund të duket një paradoks i madh për Juventusin, është mëse e vërtetë.
Në transfertën me Spezian, bardhezinjtë dominuan me lojë por treguan që janë të brishtë dhe kanë probleme në mbrojtje. Moise Kean hapi serinë e golave në 28’ teksa vendasit fillimisht me Gyasi në 33’ dhe Antiste në 50’ në një kundërsulm përmbysën rezultatin.
Në një situate të tillë, Juve u hodh e gjitha në sulm dhe me anë të Chiesas në 67’ dhe De Ligt në 73’ arritën ta përmbysnin në 3-2 sfidën për t’i dhënë fitoren e parë Allegrit në Serinë A.
Ndërkohë që sfida tjetër, ishte po ashtu spektakolare me Salernitanën që barazoi 2-2 me Veronën në shtëpi.
