Detaje të reja janë zbardhur nga ngjarja e rëndë që ndodhi në Korçë, ku një 21-vjeçar kanosi me armë dy vajza.
Bëhet me dije se autori Donald Lato kishte të dashur 15-vjeçaren dhe se për arsye xhelozie ka kërcënuar atë dhe shoqen e saj 20-vjeçare.
20-vjeçarja para policisë është shprehur se dy të rinjtë ishin zënë dhe 15-vjeçarja me të dhe disa miq të tjerë kishin dalë, dhe kaq sipas saj ka mjaftuar që 21-vjeçari të dalë nga vetja.
Mirëpo burime për media bëjnë me dije se 21-vjeçari ka një të shkuar të hidhur pasi familja i është vrarë në masakrën e Gjonomadhit, ku mbetën viktima 4 persona, për shkak të tradhtisë. Ndërsa i riu është rritur nga gjyshja.
Policia është ende në kërkim të armës me të cilën 21-vjeçari kanosi dy vajzat.