Një vajzë e mitur ka qëlluar me pushkë një grua. Ngjarja ka ndodhur në Kosovë, në qytetin e Prishtinës. Sipas mediave të Kosovës, e mitura ka qëlluar në ajër dhe pa e kuptuar ka lënë të plagosur një grua.
Policia ka shoqëruar në komisariat pronarin e pushkës, të cilin e ka marrë në pyetje. Arma me të cilën është kryer plagosja është sekuestruar bashkë me një tjetër pushkë që u gjet në banesën e pronarit në fjalë.
Njoftimi i plotë i policisë:
Prishtinë 09.08.2021-11:00. Është raportuar se viktima femër kosovare ka pranuar trajtim mjekësor në QKUK, pasi që e njëjta dyshohet se aksidentalisht është qëlluar me pushkë ajrore nga e mitura femër kosovare. Në vendin e ngjarjes nga i dyshuari janë gjetur dhe sekuestruar dy pushkë ajrore. I dyshuari (pronari )është intervistuar dhe me vendim të prokurorit rasti vazhdon në procedurë të rregullt.
