Taulant Balliu është cilësuar si një ndër eksponentët më të njohur të krimit në zonën e Elbasanit.
Bëmat e tij datojnë para viteve 2000.
Ai ka fituar lirinë e përkohshme për të t’i dhënë lamtumirë të atit, i cili ka ndërruar jetë.
Balliu është shfaqur mes dy policësh, i prangosur së bashku me ta.
I dënuar me burgim të përjetshëm, ai ka qenë prezent në lutjen e fundit për të ndjerin, babanë e tij.
Ka qenë një prej imamëve të njohur të Elbasanit, ligjërues i Islamit në burgje, Behauddin Gashi, ai që ka publikuar fotot duke i shoqëruar me këtë koment:
Imami shkruan:
Sot duke falur namazin e xhenazes së babait të Taulant Balliut (Llaci), të cilit iu krijua mundësia nga Sistemi i burgjeve për t’i dhënë lamtumirën e fundit babait të dashur. Vëlla Llaci, shembull i përkryer i besimtarit që e ka kuptuar fort mirë Drejtësinë e Zotit dhe kthimin në rrugën e Tij si e vetmja mundësi shpëtimi në të dyja botët. Zoti Fuqiplotë i udhëzoftë të gjithë dhe ata që dergjen pas hekurave i ktheftë sa më shpejt pranë gjirit të familjes!…”
Taulant Balliu është ndër ata të dënuar dhe ish-eksponentë krimi me një shndërrim 360 gradë, pasi i është kthyer besimit si model jete.
I njohur ndryshe me pseudonimin “Cikja” ai ka qenë krahu i djathtë i kapos së grupit kriminal të ngritur në vitin 1997 në qytetin e Elbasanit.
Lidhjet me shoqërinë e vjetër nuk i ka shkëputur. Është shumë i kënaqur, pasi dy prej miqve të tij të ngushtë vazhdojnë ta mbajnë me të ardhura.
Pos kësaj, ka nxjerrë, në kushte burgu, edhe 5 libra me poezi.