Ka përfunduar pjesa e parë ndërmjet Anglisë dhe Danimarkës.
Danimarka dhe Anglia po ndeshen në kuadër të gjysmëfinales së “Euro 2020”, shkruan lajmi.net.
Danezët ishin të parët që dolën në avantazh, ishte futbollisti i Sampdorias, Mikel Damsgard, i cili shënoi një gol të bukur nga goditja e dënimit.
Damsgaard shënoi në min 30′ për t’ia dhënë avantazhin Danimarkës në Wembley.
Por, Anglia reagoi menjëherë duke treguar forcën e saj. Ishte Bukayo Saka i cili me një depërtim të mirë e futi në vështirësi mbrojtjen daneze.
Më pas Kjaer duke u munduar ta evitojë golin, shënoi autogol në min 39′.
Rezultati i pjesës së parë, Anglia 1-1 Danimarka.
