Detaje të reja kanë dalë në dritë nga krimi që ka tronditur Greqinë. Sipas mediave greke, Policia ka shpallur si vrasës të 20-vjeçares, bashkëshortin e saj, Charalambos Anagnostopoulos.
Për të mbështetur këtë teori, policia ka marrë si bazë të dhënat e siguruara nga kamerat e sigurisë të shtëpisë, orën biometrike që viktima mbante në duar, por edhe mesazhet telefonike. Policia thotë, se gjatë kontrolleve në telefonin e 20-vjeçares, janë gjetur mesazhe që ajo shkëmbente me bashkëshortin.
Viktima ndodhej në papafingo, ndërsa piloti 32-vjeçar ndodhej në katin përdhes, e në mesazhet që i dërgonin njëri-tjetrit, pak para vrasjes, bien në pah fjala: budalla! Mediat greke raportojnë se nga mesazhet dhe mënyra e të shkruarit, krijohet përshtypja se çifti po grindej.
Sakaq, pritet që në orët në vijim të zbardhet plotësisht ngjarja e rëndë, ndërsa të gjitha rrugët, të dërgojnë se autori i mundshëm është i shoqi i viktimës.
