Një 30 vjeçar shqiptar ka kërcënuar se do të hidhej nga dritarja së bashku me djalin e tij 4 vjeç, pasi përmbaruesit kërkonin t’i nxirrnin nga shtëpia ku ato rrinin në Monza të Italisë.
Ngjarja sipas mediave italiane ka ndodhur më 30 shtator, por është bërë publike vetëm sot, shkruan Ansa.it.
“Tani do t’iu tregoj se çfarë do të bëj,” mësohet t’u ketë thënë shqiptari agjentëve të përmbarimit ndërsa drejtohej për nga dritarja e hapur me të birin në krahë.
Për fat të mirë, 30 vjeçari është bllokuar nga një agjent i Policisë së Shtetit që ndodhej aty në momentin kur përmbaruesit po debatonin me shqiptarin. Gruaja e tij dhe djali 4 vjeç i janë besuar një shtëpie familjare.
