Duke filluar nga ora 18:00 Portugalia ka zbritur në fushë përballë Hungarisë në sfidën speciale që në shtëpinë e saj në Budapest, ku janë të pranishëm 60 mijë tifozë.
Kampinia në fuqi e Europës, Portugalia do të zbresë në fushë me qëllimin e qartë të ruajë trofeun deri në minutat e fundit. Portugezët janë cilësuar nga shumë trajnerë dhe ekspertë si favoritë kryesorë për fitimin e kompeticionit pasi ka në përbërje një kontingjent të pasur me yje në skuadrat e tyre respektive.
Kapiteni portugezëve, Kristiano Ronaldo është shprehur i qartë se do të tentojnë të shkojnë deri në finale edhe pse në grup kanë Francën me Gjermaninë. Ky pritet të jetë dhe grupi më interesant në këtë kompeticion duke e bërë mjaft të ashpër luftën për të kaluar në fazën e eliminatoreve.
Në krahun tjetër, tekniku i hungarezëve Rosi do të rreshtojë një formacion me 5 mbrojtës, teksa do të bazohet tek loja cinike. Në konferencën për shtyp, Rosi u shpreh se do tu duhet pak fat për mos të shpërdoruar rastet që do të vijnë pasi një skuadër si Portugali nuk të lejon shumë hapësira.
LIVE: HUNGARI-PORTUGALI 0-2
Guerrero 84′ , Ronaldo 87′ (p)
KOMENTI LIVE:
90′ Akordohen 5 minuta shtesë.
87′ GOOOOOL PORTUGALIA 0-2/ Luzitanët dyfishojnë shifrat me Kristiano Ronaldo, i cili realizon nga pika e bardhë e penalltisë.
84′ GOOOOL PORTUGALIA 0-1/ Zhbllokohet më në fund sfida! Guerrero kalon në avantazh luzitanët. Pllakos heshtja në Budapest. Topi devijohet nga Urban dhe përfundon në cepin e portës.
80′ Hungaria gjen rrugën e rrjetës me Shën, por goli anulohet për pozicion jashtë loje.
75′ Kristiano Ronaldo kërkon 11-metërsh për prekje të topit me dorë, por për gjyqtarin Çakir, gjithçka e rregullt!
70′ Zëvendësim te Portugalia, largohet nga fusha Bernardo Silva, vendin e tij e merr futbollisti i Benfikës, Rafa Silva.
68′ Pranë golit Portugalia me Bruno Fernandez, tentativa e tij nga distanca, u devijua nga Gulashi, duke shkuar në këndore. I pakalueshëm portieri hungarez.
65′ Zëvendësim i parë te Hungaria, largohet Shafer, në vend të tij Nego.
56′ Hungaria provon të surprizojë me Roland Salain, tentativa e tij në hyrje të zonës ishte qëndrore dhe u ndal nga Rui Patrisio.
50′ Portugalia vuan në sulm, mungojnë rastet flagrante në portën hungareze.
47′ Provon edhe Pepe me kokë, pas një harkimi nga këndi, por ndal portieri Gulashi.
46′ Starton pjesa e dytë, luzitanët kërkojnë me ngulm golin e avantazhit.
Mbyllet pjesa e parë!
45′ Akordohet 1 minutë shtesë!
43′ Shans i artë për Portugalinë, e pabesueshme çfarë humbet Kristiano Ronaldo, ngjitur me vijën fatale. Nuk i beson syve futbollisti se çfarë ka shpërdoruar pas harkimit të Bruno Fernandez.
40′ Vendimtare pritja e portieri Gulashi, i cili i mohon golin Diego Zhotit. Tentativa e futbollistit brenda zonës, ndalet me këmbë nga portieri.
36′ Hungaria jep sinjalin e parë të rrezikshëm me Szalain, gjuajtja e tij me kokë shkon drejt e në duart e portierin Rui Patrisio.
29′ Bernardo Silva harkon një top në zonë për Ronaldon, ylli portugez provoi ta godiste sferën në rënie, por pa sukses.
25′ Hungarezët janë mbyllur mbrapa në zonën e tyre, duke mos lejuar hapësira në prapavijë. 0-2 numri i goditjeve nga këndi për Portugalinën.
15′ Nuk po arrin të gjejë dot hapësira e duhura në këto minuta Portugalia. Ende asnjë shkëndijë e rrezikshme nga Kristiano Ronaldo.
8′ Ndeshje agresive në këto minuta, me faulle të shumta në mesfushë. Më kërkues portugezët.
5′ Rastin e parë të rrezikshëm e krijon Portugali ma Zhotën, që provon me një gjuajtje në hyrje të zonës, por topi u grushtua nga portieri.
1′ Starton sfida! Atmosferë elektruzuese në stadium, luhet në impiantin “Puskás Aréna” me kapacitet maksimal plot 60 mijë tifozës.
