Një konflikt është shënuar gjatë paradites së sotme në një plazh në zonën e Tunelit në Vlorë
Disa të rinj janë përplasur me njëri-tjetrin.Nga informacionet paraprake ka pasur përplasje fizike me sende të forta mes tyre.
Ndërkohë që burimet shpjegojnë se ka disa të shoqëruar në komisariat. Nuk ka persona të lënduar nga ky konflikt, ndërsa dyshohet se shkaku të jetë bërë një varkë pedalone.
Ngjarja ka shkaktuar shqetësim tek pushuesit,të cilët ishin të shumtë në numër.
Po sipas burimeve personat që janë përplasur janë përfaqësues të dy bizneseve të cilat janë pranë njëri-tjetrit.
