Gjykata penale e Tiranës ka rrëzuar kërkesën e Tire Alldervishit, sanitares së Senatoriumit për zëvendësim të masës së sigurisë nga arrest në burg në një masë më të butë.
Alldervishi u arrestua pas një denoncimi nga vajza e një pacienteje të infektuar me covid se kishte marrë një shumë prej 8 milionë lekësh për t’u përkujdesur për të.
Ka qenë vetë sanitarja e cila i ka shkuar pranë vajzës duke ju prezantuar si infermiere duke i kërkuar 2000 mijë lekë, shtetases Eltjana Sinanaj për ti futur telefonin në spital për të komunikuar me mamanë e saj.
Pas këtij momentit per perkujdesjen e mamasë së saj ajo i ka kërkuar shuma prej 50 mijë lekësh, për përkujdesjen dhe 100 mijë lekë për doktorët. Këto shuma parash i janë dhënë pothuajse çdo ditë sanitares nga ana e vajzës.
